DE NOITE

NOCTURNO

Estas noites capaces

de colmar a nostalxia,

en que as pupilas, cheas de escuridade,

ata o soño dilátanse,

veñen a mín desde o día

en que o meu corazón as presentía

e a miña nai as arrolaba.

Adentrándose nelas,

a sagrada tristeza de vivir

revela a súa saudade

e o cántico das cousas

eleva o seu misterio inesgotabel.

Noites de arrecendente claridade,

ríos de cego amor, ecos do alto,

xardíns de luctuosa inmensidade:

Nada pode turbar

os vosos soños mainos

(XAVIER SEOANE (A Coruña, 1954)