Loiba (pena furada)


Hoxe

encóntrome

lonxe, moi lonxe,

onde o orballo

non é quen de atoparme,

onde as lembranzas

non son quen de ferirme.

 

Lonxe, moi lonxe,

onde a liña do horizonte

dilúese coas illas,

e os barcos parecen esquecer

cal era o seu destino.

 

Lonxe, aínda máis lonxe,

nas estrelas da noite furada,

na inmensidade dunha ría

que hoxe asemella esgotada.

 

Hoxe encóntrome

máis lonxe de ti,

de min,

no fondo dunha cunca

que o meu sentido esmorece.

 

Lonxe, moi lonxe.  (Miguel A. Alonso Diz)

Entre impresionantes acantilados tradeados por covas -chamadas furnas- na súa parte baixa, ábrense ás augas da Ría exterior as praias de O Picón e Coitelo. Nestes areais encontramos un curioso peirao, onde as lanchas están practicamente penduradas da faldra do noiro por roldanas para evitar que as leve a preamar.

A Pena Furada, é unha mole rochosa realmente impresionante.

Cando o mar está axitado, as olas rompen contra a pedra cunha sonoridade e unha paleta de cores alucinante.

Se levantamos a mirada cara o horizonte podemos descubrir na lonxanía o cabo Ortegal, e o seu faro.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está a dar o seu consentimento para a aceptación das mencionadas cookies e a aceptación da política de cookies

ACEPTAR
Aviso de cookies